| Главная » Статьи » Казахский язык и литература |
Кәсіпке байланысты мақал-мәтелдер, жұмбақтар
Тiрi күмiс сүзедi. (Балықшы) Алатаяқ ұстаған, Жол тәртiбiн нұсқаған. Өмiрiңдi күзеткен, Ысқырығы күштi адам. (Полиция қызметкері) Өнерге тән жаратқан, Көкiрегi кең аспан. Барша жұртты қаратқан, Бейнегер кiм тым асқан? (Қылқалам шеберi) Маңдайға жағып шырақты, Лавалардан тұрақты. Ағызып отын өзенiн, Жылытқан кiм суретiн? (Бейнегер) Жасыл желек көгалда, Бiрде артқа, Бiрде алға, Желаяқ көп бала, Таласып жүр бiр шарға. (Футболшылар) Өңкей сығай екi топта, Таласып жүр бiр допқа. (Футболшылар) Жолының көп азабы, Сонда дағы тынбайды. Жаңалықты жазады, Көпшiлiктi тыңдайды. (Журналист) Кең байтақ туған жерiме, Кетпесiн деп жат iз өтiп. Тыныштық тiлеп елiме, Отанды кiм тұр күзетiп? (Жауынгер) Арқан байлап белiне, Шымырлықпен бекiне. Өрмелейтiн қай өрен, Шыңның шырқау шегiне? (Альпинист) Шың басына өрмелеп, Күнге ұмтылар дөңгелек. (Альпинист) Айлар бойы жүзедi, Жердi көрмей жүредi. Ақ жал таумен алысқан, Адамды кiм бiледi? (Теңiзшi) Төл өсiрiп момақан, Уыз iшкен қоймалжың, Бiлсең айтшы, балақан, Еңбегi зейнет қай малшы? (Қойшы) Тұлғалы кең иығы, Мұнара оның тұрағы. Маң далада бұйығы, Сөнбей жанса шырағы, Жер астының сұйығы Фонтан болып шығады. (Мұнайшы) Ол жетсе ауылға, Самсар жұлдыз торабы, Нұр шашып тұрады. (Электршi) Күмiс қанат, сұңқары, Көкке еркiн сүңгидi. Бұлттан да тым әрi, Кеткен жанды кiм дейдi? (Ұшқыш) Өрнектеп, сәндеп, Тiгiстерiн бүгетiн. Солпысын жөндеп, Кiм көйлек тiгедi? (Тiгiншi) Қалпағы ақ қарасаң, Дәрiгер емес, бiрақ ол. Дәм мәзiрiн қаласаң, Алға ұсынып тұрады ол. (Аспаз) Топырақтың құнарын, Дәл тауып құрамын, Қай жерде қай дақыл, Өнiм берер бай дақыл, Зерттеп дәйiм жүретiн, Кiм бәрiн бiлетiн? (Агроном) Көрiнбейдi өзi, Естiледi сөзi. (Радио дикторы) Жалтылдап қалағы, Салатын кiм қаланы? (Кiрпiш қалаушы) Қараңғыны қақ жарып, Жүрген кiм шам жағып? (Монтер) Бал татыған мәзiр, Ол бар жерде әзiр. (Аспаз) Өскен шашты жаратпайтын, Қайшысы бар жалақтайтын. (Шаштараз) Оның тiккен бұйымы, Аяғыңды қаптайды, Шыға қалса жұлымы, Әдемiлеп баптайды. (Етiкшi) Ортасында сан халық, Белдескенде жан салып. Жерге тимей жотасы, Атанған күш атасы, Айбаттыны кiм дейдi, Қайраттыны кiм дейдi? (Балуан) Көкке ұшқан шарықтап, Шаңырақтың бауынан. Ұстап үстем қалықтап. (Парашютист) Дабылға тез жететiн, Жалынға сүңгiп кететiн. Қақалса да түтiнге, Тайсалмайтын батыл кiм, Жасқанбайтын батыр кiм? (Өрт сөндiрушi) Құрып қойып өрмегiн, Ұршықтарын ойнатып. Сәндi мата өрнегiн, Жасайтын кiм жайнатып? (Тоқымашы) Ұзын-ұзын жолдар бар, Үйрек қонар көлдер бар. Ат үстiнде шокиып, Отыратын күндер бар. (Өрмек тоқушы) Отан үшiн жан берiп, Жоғалтқанмен ол атын. Жүрегi бар мәңгiлiк, Халықпен бiрге соғатын. (Белгiсiз солдат) Екi шекпен күмбiрлеп, Көңiл сазын сапырады, Тұлпар шабыс дұмбiрлеп, Желпiндiрiп отырады. (Күйшi) Кәсіпке байланысты мақал-мәтелдер Арбасының дөңгелегін майламаса арбакештің майы қайнамайды. Арқалап отын тасыған, арқасы терге сасыған. Бағбан жемісті ағашын айтар, Мұрап суының сағасын айтар, Шопан өсірген қойын айтар, Өлеңші өлең айтқан тойын айтар, Ұста соққан тамын айтар, Дихан шығымды еңбегінің бабын айтар. Балықшы балықшыны қиядан таниды. Бәлен жерде бақыр бар, барсаң, бақыр түгіл тақыр да жоқ. Еңбектен себеп, балықшыдан мұрат. Ерінбеген етікші болады, Ұялмаған өлеңші болады. Ерінбесең ұста боларсың. Есігі жаманның төріне отырма, Кәсібі жаманның қасына қонба. Етікші бізге жарымас. Етікшіден құлаш қаш — бізі тиер көзіңе, сөзі тиер өзіңе. Етікшіні балға мен бізі асырайды, Егіншіні кетпенінің жүзі асырайды. Инең болса иінің бүтін. Кәсіп болмай нәсіп болмас (Төле би). Кәсіп, кәсіп түбі нәсіп. Кемеші келсе қайықшы жолдан таяр. Колхозшы еңбек күнін санайды, Совхозшы тәбілге қарайды. Көрмегенге көсеу таң. Кірекештің түйесі жүгіменен жайылар. Касапшыға мал қайғы, Қара ешкіге жан қайғы. Касапшы қалған-құтқанды жейді. Темірші көміршіге үйір. | |
| Просмотров: 3798 | |
| Всего комментариев: 0 | |